Dy fitore të ekipeve vendase, dy barazime dhe një fitore e ekipit mysafirë me 14 gola të shënuar është epilogu i pesë ndeshjeve të zhvilluara në xhiron e pestë në Ligën e parë të futbollit të Maqedonisë së Veriut.
Ndeshja Struga Trim Lum – Vardari është anuluar për 1 nëntor.
Në një ndeshje dramatike që u zhvillua në stadiumin “Boris Trajkovski” në Maxhari, Shkëndija me përmbysje mundi Rabotniçkin vendas me rezultatin 2:1. Ekipi i Rabotniçkit ishte në epërsi me golin që e shënoi Kagimu në minutën e 28-të.
Ndërsa kuqezinjtë tetovar arritën të përmbysin rezultatin me golat që i shënuan Bruno Dita në minutën 90+1’ dhe Endrit Krasniqi në minutën 90+6’. Për ekipin tetovar ishte kjo fitorja e katërt radhazi pas katër xhirove, ndërsa takimin me Struga Trim Lum do ta zhvillojnë më 1 nëntor.
Fitore të sigurt 3-1,ka shënuar Shkupi në takimin me ekipin e Gostivarit. Autor të golave për ekipin nga Çairi ishin Hoxhiq (26), Sahiti (70) dhe Vosha në minutën 90+7, golin e vetëm për Gostivarit e ka shënuar Potuk (64).
Në Kavadar, Tikveshi dhe Voska Sport kanë luajtur me barazim 1:1.
Autor I golit për vendasit ishte Gasam në minutën e 17-të, ndërsa barazoi Marushiq në minutën e 73.Bregallnica në Shtip mundi Akademia Pandev Brera me rezultatin minimal 1:0 me golin e vetëm që e realizoi Venegas në minutën e 27. Pë ekipin nga Strumica ishte kjo disfata e pare pas katër fitoreve radhazi.
Ndeshje në Kratovë mes Sileksit dhe Makedonija Gj.P përfundoi me barazim 2:2 edhe pse ekipi mysafirë ishte në epërsi deri në minutën 82-të. Autor të golave pë sileksin ishin Gjorgjievski (44), Kalanovski (82) , ndërsa për Makedonija Gj.P shënuan Aleksovski (44) dhe Skenderi (45+2’).
Java e pestë
Breagallnica – AP Brera 1:0
Rabotniçki – Shkëndija 1:2
Shkupi – Gostivari 3:1
Sileksi – Makedonija Gj.P 2:2
Tikveshi – Voska Sport. 1:1
Tabela: 1.Shkëndija 12 pikë (1 ndeshje ), 2 AP Brera 12, 3.Bregallnica 9, 4.Shkupi 8, 5.Tikveshi 7, 6.Rabotniçki 6, 7.Sileksi 6, 8.Makedonija Gj.P 5, 9.Struga Trim Lum 3 (-3 ndeshje), 10.Voska Sport 4 (-1 ndeshje), 11. Gostivari 3, 12. Vardari 1 pikë (-1 ndeshje).
Në javën e 6-të, me 2 shtator, me fillim në ora 16:00, takohen:Vardari – Makedonija GJ.P, Gostivari – Sileksi, Shkëndija – Shkupi, AP Brera – Rabotniçki, Voska Sport – Bregallnica dhe Struga Trim Lum- Tikveshi.
