Kylian Mbappe dëshiron të luajë vetëm për Real Madrid dhe ai dëshiron ta bëjë këtë në merkaton e verës, siç njofton gazeta franceze “Le Parisien”, mediumi i njohur që raporton informacione të brendshme nga klubi parizian.
PSG po përballet me një situatë shumë delikate, duke shitur lojtarin e tij më të mirë dhe për të cilin bëri të pamundurën për të rinovuar me të.
Siç parashikon “Le Parisien”, PSG nuk do të kundërshtojë shitjen e Mbappe këtë verë dhe mediumi në fjalë deklaron se francezi nuk ka qenë kaq afër largimit kurrë më parë.
Me ikjen e Benzema, ndoshta procedurat përshpejtohen dhe Florentino Perez reagon në kohë për të sjellë yllin francez si goditjen më të madhe të viteve të fundit në merkato. Situata e nxehtë mes PSG-së dhe Mbappe duket sikur po i avancon gjërat dhe kjo situatë mund të ketë një përgjigje konkrete brenda pak ditëve.
