Pushimi i gjatë i Zinedine Zidane më në fund mund të marrë fund.
Trajneri francez, pa ekip që nga momenti që i tha lamtumirë Real Madrid-it për herë të dytë në verën e vitit 2021, vështirë se do të qëndrojë ende për një sezon tjetër pa punë për shkak të kërkesave të shumta që i janë bërë.
Siç dihet, ish-i i Real-it dhe Juventus-it nuk është një profil i lehtë për t’u arritur nga asnjë klub.
Nëse si futbollist kishte bërë një karrierë madhështore, si trajner – pavarësisht “pak viteve” të kaluara në stol – mund të ketë arritur edhe të kalojë veten.
Në ciklin e tij të parë në stolin e Los Blancos, për shembull, trajneri francez arriti të monopolizojë një kompeticion të nivelit të lartë siç është Champions League, duke triumfuar për tre vite radhazi.
Megjithatë, më pak me fat ishte periudha e tij e dytë në krye të Real Madridit, e shënuar gjithsesi nga fitorja e kampionatit spanjoll, e dyta e fituar në karrierën e tij si trajner. Me pak fjalë, një teknik me rezymenë e tij dhe karizmën e tij në stol thjesht nuk e meriton të qëndrojë edhe një vit pa ekip.
Gjithashtu për këtë arsye, një rikthim në krye të një klubi të madh në Europë duket gjithnjë e më i mundshëm. Për të zbuluar diçka më shumë për të ardhmen e mundshme të Zinedine Zidane, e ka menduar bashkatdhetari dhe ish-futbollisti Samir Nasri.
Francezi në mikrofonat e Canal Football Club ka hedhur poshtë në fakt dy hipoteza që dukeshin mjaft të besueshme: Premier League dhe Paris Saint Germain.
Por ka shanse të mira për Juventus-in, të cilët janë tërhequr gjithmonë nga ideja për ta rikthyer në Torino, por në rolin e trajnerit, një njeri që konsiderohet të jetë i ‘familjes’ si Zidane.
Këto janë fjalët e Nasrit: “Kur bëhet fjalë për Madridin, Juventus-in, këto klube kanë rëndësi për të. Anglia nuk është për të, nuk është vetëm çështje gjuhe. Energjia e tij nuk përputhet me atë që po ndodh në Angli”.
Së fundmi, për ish-sulmuesin, një rol te Marseille nuk mund të përjashtohet në kushte të caktuara:
“Me një projekt real, ambicie dhe nëse do të kishte nesër një blerës me një buxhet real, ai mund të shkonte në Marseille.
Ai nuk do të jetë nën presion, është klubi i tij i preferuar. Paris Saint-Germain?
Kishte thashetheme, ai nuk shkoi atje pikërisht sepse është nga Marseille”.
