Trajneri i Anglisë, Gareth Southgate thotë se ai do të “rishikojë dhe reflektojë” për eliminimin e ekipit të tij në çerekfinale të Kupës së Botës me Federatën e Futbollit përpara se të marrë një vendim për të ardhmen e tij.
52-vjeçari, i cili mori drejtimin në vitin 2016, ka një kontratë deri pas finales së Euro 2024.
Pas humbjes 2-1 ndaj Francës, Southgate tha: “Këto turne ju marrin shumë dhe më duhet kohë për të reflektuar. Ne e kemi bërë këtë pas çdo turneu dhe kjo është gjëja e duhur për të bërë”.
Pasi e udhëhoqi Anglinë në gjysmëfinalen e Kupës së Botës 2018 dhe në finalen e Euro 2020, Southgate nuk ishte në gjendje të arrinte sërish në katërshen e fundit të një turneu të madh pas humbjes nga Franca në Katar..
