Fatih Jusufi “heroi” i BvK Konjares, e shënoi golin e fitores!!
Skuadra e BvK Konjare ka shënuar fitore të rëndësishme prej 1-0, duke mundur Studena Voda nga Kumanova, në ndeshjen e parafundit (14) të sezonit vjeshtor në Ligën e Tretë-Veri, që u luajt sot në stadiumin e Konjares së Mesme të Shkupit.
“Heroi” i BvK-së në këtë takim doli të jetë sulmuesi Fatih Jusufi, që e realizoi golin e vetëm të ndeshjes në minutën e 25-të të pjesës së parë.
BvK renditet i dyti në tabelë me 34 pikë, tre pikë më pak se lideri Bashkimi i Kumanovës.
