Manchester City bleu në Erling Haaland nga Borussia Dortmund këtë verë. Marrëveshja mes dy klubeve kapi vlerën e 60 milionë eurove, por mes ekipeve është arritur një marrëveshje interesante, për shkak të së cilës klubi gjerman nuk ka marrë asnjë euro nga transferimi deri më tani.
Në detaje të pazbuluara më parë të kontratës, City dhe Borussia arritën një marrëveshje që pagesa e transferimit të bëhej në katër këste. E para kryhet në korrik të vitit 2023 dhe më pas një shifër shtesë do të paguhet çdo vit deri në vitin 2026.
Për shkak të kësaj, edhe ish-klubet e Haland nuk e morën pjesën e tyre të tortës dhe do të duhet të presin verën e ardhshme. Këtë e ka konfirmuar skuadra e Bryne në Norvegji.
“Ne nuk kemi marrë asnjë para për transferimin. Arsyeja është marrëveshja mes klubeve. Pagesa do të bëhet vetëm në korrik të vitit të ardhshëm”, tha menaxheri i përgjithshëm i Bryne, Hans Oyvind Sagen.
