Organi më i lartë i futbollit botëror, FIFA, sot ka publikuar ranglistën e re të shteteve pas ndeshjeve të zhvilluara gjatë këtij muaji.
Shqipëria nuk ka pasur lëvizje në këtë listë të re, as ulje e as ngritje.
Kuqezinjtë pozicionohen në vendin e 66-të, prapa Sllovenisë dhe mbi Malin e Zi.
Shqipëria zhvilloi tri ndeshje gjatë këtij muaji, dy në Ligën e Kombeve, ku barazoi 1-1 me Islandën dhe u mposht nga Izraeli me rezultat 2-1. Ndeshja e tretë ishte miqësorja me Estonin e cila përfundoi pa fitues dhe me rezultat 0-0.
