Carlo Ancelotti ka thënë se Luka Modric do ta mbyllë karrierën te Real Madridi.
Trajneri i Real Madridit tha se ky është plani i klubit dhe i vet mesfushorit kroat.
“Luka Modric do ta përfundojë karrierën e tij këtu te Real Madrid. Nuk e di kur, por do të ndodhë. Kjo është ideja e klubit dhe Lukas”, tha trajneri italian.
“Modriç nuk do të ketë probleme për të rinovuar kontratën. E krahasoj me Paolo Maldinin”, shtoi Ancelotti.
Kujtojmë se kontrata e Modricit me Real Madridin skadon më 30 qershor të këtij viti.
Ende nuk ka marrëveshje të arritur mes palëve për rinovim të kontratës. Edhe më herët ishte raportuar se 36-vjeçari do të mbetet te “Los Blancos”.
