Eric Bailly është emri i fundit që lidhet me prapavijën e Milanit. Kuqezinjtë po kërkojnë prej kohësh për zëvendësuesin e Simon Kjaer, i cili e ka mbyllur këtë sezon prej dëmtimit të rëndë në gju.
Shumë emra janë lidhur me një transferim tek ekipi i Stefano Piolit, por nuk ka asnjë akord deri tani.
Gazetta dello Sport shkruan se drejtuesit e Manchester United, të cilët kanë raporte të mira me homologët italianë”, kanë pranuar huazimin e mbrojtësit nga nga Bregu i Fildishtë (po luan në Kupën e Afrikës me kombëtaren e tij) në Serie A.
Rrogën e lojtarit do e paguajë klubit italian, ndërsa palët po bisedojnë për të gjetur një marrëveshje në lidhje me shumën që duhet të paguajë Milani në fund të sezonit për ta blerë përfundimisht 27-vjeçarin.
Nëse arrihet akordi zyrtar, Milani do të largojë Matteo Gabbian. Qendërmbrojtësi 22-vjeçar pëlqehet shumë nga Sampdoria, ekip në të cilin do të huazohet deri në fund të sezonit, gjithmonë nëse në Milanello zbarkon Bailly.
