Jordi Cruyff u rikthye te Barcelona pas eksperiencës si trajner në Kinë me Shenzhen, ndërkohë që më parë ka drejtuar edhe Maccabi Tel Aviv, Chongqing Dangdai Lifan dhe kombëtaren e Ekuadorit.
Djali i legjendës Johan Cruyff është këshilltar sportiv te “katalanasit” tani, por së fundmi i është ofruar edhe një mundësi për ta drejtuar ekipin.
Kjo ofertë erdhi pasi që Barcelona i ka dhënë ultimatum trajnerit Koeman vetëm tri ndeshje për ta rregulluar situatën, pas zhgënjimit me humbjen nga Bayerni me rezultat 0:3, në “Camp Nou”.
Mirepo, sipas gazetarit te “Sport”, Toni Juanmarti, shkruan se Jordi është përgjigjur se për momentin nuk e pranon opsionin për t’u bërë trajner i Barcelonës.
Koeman ka kontratë të vlefshme deri në fund të këtij sezoni.
