Lazio e Maurizio Sarri rritet, luan dhe ofron futbollin e zakonshëm të mirë të ish-trajnerit të Chelsea: falë edhe atletëve të vënë në dispozicion të trajnerit, shumë prej të cilëve kanë një bazë të mirë teknike.
Midis këtyre edhe Pepe Reina, një nga portierët që mbi të gjitha, në njëzet vitet e fundit, ka mundur të kombinojë pritjet dhe lojën me këmbë. Sarri mund të jetë vetëm i lumtur. Spanjolli, i intervistuar nga “Marca”, pranon se ende duhet të punojë për t’u përshtatur me trajnerin e ri:
“Me Sarrin është një Lazio krejtësisht tjetër. Ne duhet të përshtatemi, jemi pak prapa në këtë kuptim. Sarri synon të ketë dominim territorial edhe top, kur është e mundur. A po luan Italia më mirë? Futbolli evoluon, unë nuk e di nëse futbolli ishte vetëm një mit, por skuadrat si Atalanta dhe Napoli luajnë më mirë dhe ndeshjet janë më të hapura. Serie A nuk është një blof”.
Pas tij ka një karrierë shumë të gjatë në ekipe të titulluara si në nivel kombëtar, ashtu edhe në atë europian. Liga e Kampionëve e humbur në finale kundër Milanit është ende peng: “1000 ndeshjet e karrierës? Më pëlqen një rekord më shumë: portieri i shekullit të 21-të me më shumë porta të pastra (pa pësuar gol). Unë jam afër.
Kam luajtur me katër nga pesë skuadrat me më shumë Liga Kampionesh, jam krenar. Nëse më pyesni do t’i këmbeja të gjitha këto me fitoren e një Lige Kampionesh. Ka mbetur peng për mua që kur humbëm finalen me Liverpool-in më 2007”.
Pepe Reina sapo ka mbushur 39 vjeç dhe kontrata e tij do të përfundojë më 2022. Megjithatë, ai ka opsion edhe për një vit tjetër, në të cilin dëshiron të jetojë si protagonist në Romë: “Sapo të mbarojë karriera ime, dua të bëhem trajner. Kam pasur fatin të drejtohem nga trajnerë të mirë. Ku e shoh veten në moshën 40 vjeç? Te Lazio, nëse gjërat shkojnë mirë. Kam edhe një vit tjetër në kontratën time. Atë që më ka mbetur nga futbolli do ta përjetoj në Romë. Mendoj se do ta përfundoj karrierën time këtu”.
