Tomas Bradriç ka folur pas ndeshjes me të kuqtë dhe sipas tij, Vllaznia ka vujatur edhe nga mungesat e titullarëve.
Në prononcimin që ka dhënë në “gol pas goli”, trajneri i Vllaznisë, Brdariç ka pohuar: “Sigurisht në lojë hyjmë për të fituar, por në pjesën e parë ishte e vështirë të hyjmë në lojën tonë për arsye të erës dhe pati Partizani mundësi të rrezikonte. Pastaj në pjesën e dytë na favorizoi dhe mund të hynim në lojë më shumë.
Ne besojmë gjithmonë te lojtarët dhe u japim mundësinë të luajnë. Ndaj Partizanit është e vështirë, patëm raste, jo gjithmonë rastet mund të shfrytëzohen, por duhet të vazhdojmë përpara.
Nuk jam dakord që Partizani ishte më i mirë në pjesën e parë kishte favorin e erës.
Pjesa e dytë ishte e barabartë, patën edhe ata shanset e tyre, por nuk është se kishte superioritet të tyre.
Sigurisht që Gurishta është lojtar i mirë për ne, nuk luajti as Imami. Nuk dua të luaj për ata që nuk ishin por për ata që ishin në fushë e të cilët bënë detyrën e tyre”, – tha pas sfidës me të kuqtë trajneri i kuqebluve, Tomas Brdariç.
