Kampioni i botës pozitiv me Covid, nuk do të garojë në Bahrein!
Piloti gjerman Sebastian Vettel, 4 herë kampion bote në Formula 1, ka rezultuar sot pozitiv me Covid-19. Për pasojë, ai nuk do të marrë pjesë këtë fundjavë në garën e Çmimit të Madh të Bahrein, gara e parë sezonale.
Lajmin e konfirmoi skuadra e Aston Martin, për të cilën piloton Vettel, që ka nisur menjëherë karantinën, duke zbatuar protokollin anti-Covid. Vendin e tij do ta zërë një tjetër pilot gjerman, Nico Hulkenberg.
Vettel është piloti i dytë i Formula 1 që del pozitiv brenda pak ditësh, pas australianit Daniel Ricciardo (McLaren). Ai tashmë e ka kaluar pozitivitetin dhe do të garojë këtë të diel në pistën e Bahrein.
