Rreth 135 kilogram kaptagon, konsideruar si ”droga e xhihadistëve” u konfiskua në janar dhe shkurt në aeroportin parizien në Roissy, ngarkesa e parë në Francë, njoftoi sot dogana.
“E prezantuar së fundmi si droga e konfliktit sirian për shkak të efekteve shkatërruese që po shkakton në këtë vend, kaptagoni është një stimulant që ndikon në sistemin nervor i krijuar në fund të viteve 50 dhe tashmë mjaft i përhapur në Lindjen e Mesme”, bëri të ditur dogana në një deklaratë. Me bazë amfetaminën, kaptagoni njihet për përdorim nga ana e xhihadistëve autorë të sulmeve terroriste.
Doganierët në Roissy kanë interceptuar ngarkesën e parë me 350.000 tableta me një peshë të përgjithshme rreth 70 kilogram në 4 janar, duke kontrolluar kallëpë industrialë me origjinë nga Libani me destinacion Republikën Çeke.
“Bashkëpunimi me autoritetet gjermane dhe çeke është mjaft i ngushtë në mënyrë të veçantë identifikimin e marrësve në Republikën Çeke”, sqaroi deklarata.