Aeroplanët gjermanë nuk do të asistojnë më asnjë sulm amerikan në Siri, deklaroi sot ministrja gjermane e Mbrojtjes, Ursula Von Der Leyen.
“Avionët gjermane kanë një rol të përcaktuar qartë në koalicionin kundër terrorizmit, që përkon me grumbullimin e informacioneve për misione kundër organizatës ekstremiste Shteti Islamik”, tha Von Der Leyen për televizionin gjerman SWR dhe shtoi se planet ishin për të luftuar kundër ISIS-it.
“Kjo nuk ka të bëjë aspak me çështjen e armëve kimike”, vazhdoi Von Der Leyen.
Ajo deklaroi gjithashtu se SHBA-të nuk i kanë kërkuar Gjermanisë të premten asnjë asistencë për sulmet me predha kundër bazës ajrore siriane.
