Ekspertët kanë thënë se metoda e spastrimit të cilën e ka aplikuar qeveria e Turqisë, pa marrë parasysh arsyet, qartazi është e jashtëligjshme
Këshilli Evropian ka thënë sot se arrestimet dhe suspendimi i të punësuarve në institucionet turke nga qeveria e këtij shteti - për shkak përkrahen puçin e korrikut kundër kësaj qeverie - është thyerje e ligjit ndërkombëtar dhe shkelje e kushtetutës së Turqisë.
Kjo deklaratë është njëra ndër kritikat më të qarta të këtij institucioni drejt Turqisë s i anëtare e tij.
“Veprimet e ndërmarra nga qeveria turke kalojnë atë që parasheh ligji ndërkombëtar dhe kushtetuta e Turqisë”, kanë thënë ekspertët e Këshillit Evropian për arrestimin e 36 mijë njerëzve dhe suspendimit nga puna të 100 mijë të punësuarve në sektorin publik.
Deklarata e plotë nga organizata për të drejtat e njeriut në Evropë, pjesë e së cilës janë 47 shtete, do të publikohet të hënën.
Ekspertët kanë thënë se metoda e spastrimit të cilën e ka aplikuar qeveria e Turqisë, pa marrë parasysh arsyet, qartazi është e jashtëligjshme.
Ky akt i Turqisë i ka tensionuar raportet e Turqisë me Bashkimin Evropian dhe gjithashtu kanë prekur edhe aleancën ushtarake të NATO’s dhe diplomatët jashtë vendit.
Kryekomandanti i forcave të NATO’s ka thënë se ai nuk ka asnjë dyshim se oficerët e ushtrisë në komandimin e tij kanë planifikuar ndonjë sulm.
