Lufta në Ukrainë po hyn në një fazë të re brutale dhe vendimi i fundit i presidentit rus, Vladimir Putin për të bombarduar objektivat civilë e konfirmon këtë tezë.
Agresorëve rusë u mungon personeli ushtarak, ndaj pak javë më parë filloi një mobilizim “i pjesshëm”, por mesa duket jo gjithçka po shkon sipas planit.
Një video e publikuar në rrjetet sociale tregon dy të burgosur rusë që përshkruajnë udhëtimin e tyre nga mobilizimi në kapje.
Ushtari i parë shprehet se nga thirrja në ushtri deri në arrestimin kanë kaluar vetëm 11 ditë. Ai po ashtu thotë se kanë kaluar vetëm dy ditë në stërvitje aktive, se kanë mësuar si të japin ndihmën e parë dhe më pas kanë praktikuar qitje.
Një tjetër i burgosur që u plagos dhe më pas u shpëtua nga luftëtarët ukrainas kishte një përvojë të ngjashme. Ai shprehet se nuk ka pasur ndonjë stërvitje të veçantë dhe se ka qenë vetëm një herë në poligonin e qitjes ku ka ushtruar qitjen.
Kjo nuk është dëshmia e parë e këtij lloji, shumë prej tyre ftohen pa u informuar se ku shkojnë dhe kur arrijnë në destinacionet e tyre përballen me mungesë apo të vjetërsuar të pajisjeve ushtarake, si dhe kushte që i ngjajnë më shumë datës 19. shekulli se viti 2022.
