Presidenti i Dhomës së Përfaqësuesve të SHBA-së, Paul Ryan, ka ftuar sot kryeministrin indian, Narendra Modi, të mbajë një fjalim në Kongres më 8 qershor, me rastin e vizitës së tij në Uashington.
“Miqësia mes SHBA-së dhe Indisë është një shtyllë e stabilitetit në një rajon të rëndësishëm të botës”, deklaroi Paul Ryan.
Modi është kryeministri i pestë indian që mban një fjalim para Kongresit, një ftesë që i bëhet vetëm krerëve të vendeve mike dhe aleate të SHBA-së.