Ministrat e Jashtëm nga vendet nordike dhe baltike kanë bërë thirrje për lirimin e menjëhershëm të një zyrtari të sigurisë të Estonisë, i dënuar së fundmi në Rusi me 15 vjet burg.
Eston Kohver, një oficer në Shërbimin e Sigurimit të Brendshëm të Estonisë, u dënua më 19 gusht në një gjyq me dyer të mbyllura, pasi u gjet fajtor për spiunazh dhe kalim ilegal të kufirit rus.
Estonia i hodhi poshtë akuzat, duke thënë se Kohver u rrëmbye në Estoni një vit më parë dhe u dërgua në Rusi.
Në takimin në Kopenhagë sot, ministrat e Jashtëm thanë se "rrëmbimi i Kohver dhe ndalimi i paligjshëm në Rusi përbën një shkelje të qartë të ligjit ndërkombëtar".
Ata i kërkuan gjithashtu Rusisë për lirimin e regjisorit ukrainas Oleh Sentsov dhe të bashkëpandehurit të tij Oleksandr Kolchenko, të cilët ishin dënuar me 25 gusht me 20 dhe 10 vjet burg, për akuza për terrorizëm.
