Nga Azia në Afrikë dhe Europë, shteti dhe miliarderët kinezë janë në një sulm të pashoq për investime në infrastrukturë.
Këto ditë edhe Shqipëria po e ndjen këtë “vërshim”.
Por ambiciet e Kinës janë të pandalshme.
Presidenti i Kinës, Xi Jinping do të mbërrijë në Pakistan, ku do të lajmërojë nisjen e investimeve në një shumë prej 46 miliardë dollarë.
Sipas BBC, fokusi i shpenzimeve do jetë ndërtimi i një korridori ekonomik Kinë- Pakistan- një rrjet rrugësh, hekurudhash dhe gazsjellësish.
Bëhet fjalë për 3 mijë kilometra në total, që do nisin nga Gwadar në Pakistan dhe do përfundojnë në rajonin Xinjiang në perëndim të Kinës.
Projekti do i japë Kinës akses direkt në Oqeanin Indian dhe përtej.
Ky shënon një përparim shumë të madh të ndikimit të Kinës në Azinë Jugore dhe Qendrore, thotë korrespondenti i BBC.
Tashmë Kina i tejkalon shpenzimet që bënte SHBA në Pakistan.
BBC thotë se mes dy vendeve do ndërtohet edhe një kabëll me fibra optike me një vlerë prej 44 milionë dollarë.