Ish-kryeministri i Izraelit, Ehud Olmert, është shpallur fajtor për mashtrim dhe marrje të ryshfetit.
Avoktët e zotit Olmert thanë se do të ushtrojnë ankesë ndaj vendimit të sotëm të Gjykatës së Qarkut në Jerusalem.
Ish-kryeministri izraelit ishte liruar nga këto akuza në vitin 2012, që kanë të bëjnë me periudhën derisa ai ishte prefekt i Jerusalemit dhe ministër i qeverisë.
Në këto akuza përfshihej edhe ajo se e kishte pranuar një zarf me të holla që ia kishte dhënë biznesmeni amerikan, Morris Talansky.
Por, rigjykimi ishte urdhëruar pasi ish-menaxheri i zyrës së tij dhe dikur shok i afërt i Olmertit, Shula Zaken, e ka zbuluar shiritin me incizimin e bisedave, në të cilin duket se Olmert kishte pranuar se ka marrë ryshfet.
Dënimi për Olmertin, 69 vjeçar, do të caktohet më vonë.
Në një rast të ndarë, Ehud Olmnert ishte dënuar me 6 vjet burg, në maj të vitit 2014, për marrje të ryshfetit në shumë prej 160 mijë dollarëve për një marrëveshje për shitblerje të patundshmërisë.
Olmerti është ankuar kundër këtij dënimi.
