Lideri i separatistëve pro-rusë në lindje të Ukrainës, Aleksandr Zakharchenko, është cituar nga agjencia ruse e lajmeve RIA të ketë thënë se separatistët kanë kryer sulmin e sotëm në qytetin Mariupol.
“Sot është lansuar një ofensivë në Mariupol. Ajo është monumenti më i mirë i mundshëm për të gjithë të vdekurit tanë”, ka thënë ai.
Së paku 20 njerëz janë vrarë dhe dhjetëra të tjerë janë plagosur nga sulmet e sotme në Mariupol.
Bashkimi Evropian i ka dënuar ato, ashtu si edhe Organizata për Siguri dhe Bashkëpunim në Evropë.