Parlamenti i Kinës ka kundërshtuar nominimet e hapura për zgjedhjen e udhëheqësit të Hong Kongut.
Autoritetet kanë thënë dy ose tre kandidatë do të emërohen nga një “komitet i veçantë”
Vendimi pritet të kufizojë zgjedhjet dhe të çojë në përzgjedhjen e kandidatëve që mbështesin Pekinin.
Vendimi po ashtu mund të shkaktojë protesta në Hong Kong, vendin i cili është kthyer nën sundimin kinez nga Britania në vitin 1997.
Aktivistët në Hong Kong kanë kërkuar që Pekini t’iu lejojë votuesve që të zgjedhin shefin e tyre ekzekutv nga një listë e hapur e kandidatëve.
Ata kanë kërcënuar se do të mbyllin qendrën e biznesit të qytetit me protesta nëse Pekini nuk lejon zgjedhje të lira.
Pekini, në anën tjetër, ka paralajmëruar aktivistët kundër protestave përçarëse.
