Komisioni i Pavarur Zgjedhor i Afganistanit sot ka filluar t’i anuloj votat e parregullta nga rundi i dytë i zgjedhjeve presidenciale më 14 qershor.
Ky proces bëhet në prani të monitoruesve dhe gazetarëve.
Procesi zgjedhor presidencial në Afganistan ishte bllokuar pasi të dy kandidatët, ish-ministri i financave, Ashraf Ghani, dhe ish-ministri i jashtëm, Abdullah Abdullah, kanë pretenduar se kanë arritur fitore.
Auditi i fletëvotimeve ishte pjesë e marrëveshjes së ndërmjetësuar nga Shtetet e Bashkuara, për zgjidhjen e mospajtimeve.
Presidenti në largim i Afganistanit, Hamid Karzai, tha se pasardhësi i tij duhet të inaugurohet më 2 shtator dhe se data nuk do të ndryshoj.