“Mjaft, quajeni Hamasin terrorist”.
Ky është mesazhi nga Asambleja Kombëtare Hebraike (AKH), e cila e ka organizuar këtë protestë jashtë ndërtesës së BBC-së në Londër.
Qindra protestues janë mblidhur jashtë selisë së BBC-së. Thirrjet “turp për ju” kumbonin në sfondin e flamujve izraelitë.
Folësit thonë se BBC duhet ta quajë “terrorin ashtu siç është”.
AKH në Mbretërinë e Bashkuar fokusohet në promovimin e jetës hebreje, mbështetjen për Izraelin dhe luftimin e antisemitizmit.
Në fillim të kësaj jave, BBC mbrojti vendimin e saj për të mos përshkruar militantët e Hamasit si “terroristë” në mbulimin e fundit, me një zëdhënës që vuri në dukje se ishte një qëndrim i kahershëm për gazetarët e BBC që të mos përdorin vetë termin nëse nuk ia atribuojnë atë dikujt tjetër, raporton BBC.
Udhëzimet editoriale të BBC thonë se fjala “terrorist” mund të jetë “një pengesë dhe jo një ndihmë për të kuptuar”.
