Ministri i Arsimit dhe Shkencës në Bullgari, Galin Tzokov, foli në një intervistë në kanalin televiziv bTV për platformën “Digital Backpack” të Ministrisë, një uebsajt me qasje pa pagese ku përmbajtja arsimore është e strukturuar për të gjitha klasat e shkollave.
I pyetur se kur do të ulet pesha e çantave të shkollës, ministri tha se platforma është gati.
Me platformën “Digital backpack”, Ministria synon të ndihmojë në zgjidhjen e sfidave të arsimit online, si dhe atyre të formave të edukimit personal ose hibrid, thuhet në uebsajt.
Platforma ofron mësime online dhe mundësinë për të dhënë detyra të shtëpisë./BTA
Ajo gjithashtu shërben si një portal informacioni për prindërit, duke i lejuar ata të monitorojnë përparimin e të mësuarit të fëmijëve të tyre dhe të mbajnë shënim notat, mungesat, shënimet dhe detyrat e shtëpisë së tyre, si dhe të gjitha materialet mësimore.
Ministri përmendi po ashtu se tashmë ka mundësi që nxënësit të cilët për arsye shëndetësore nuk kanë mundur t’i japin provimet pas klasës së shtatë, ta bëjnë këtë në një datë shtesë.
