Të paktën 20 persona, duke përfshirë katër oficerë policie, u plagosën të shtunën në përleshjet mes protestuesve dhe policisë në qytetin jugor peruan të Andahuaylas në Ande.
Zyra e Ombudsmanit njoftoi në Twitter se po punonte me personelin shëndetësor për të verifikuar nëse të lënduarit kishin marrë “kujdes të duhur mjekësor në spitalin e qytetit”, por nuk dha detaje për lëndimet, raporton CNN.
Ai tha se një numër njerëzish ishin arrestuar, por nuk tha se sa.
Ndërkohë, Policia Kombëtare njoftoi se dy efektivët e policisë të kapur robër nga protestuesit tashmë janë liruar dhe po vlerësohen nga personeli mjekësor.
Arsyeja e protestës së së shtunës nuk është ende e qartë, por Andahuaylas është një nga disa qytete në vend ku banorët dolën në rrugë këtë të premte në mbështetje të ish-presidentit Pedro Castillo i cili u rrëzua nga pushteti në fillim të kësaj jave, sipas informacionit të dhënë në media nga Ministria e Brendshme.
