Rreth 200 njerëz që peshkonin në një liqen të ngrirë në Minnesota u shpëtuan pasi një pjesë e madhe e akullit u shkëput, duke i lënë të bllokuar.
Sipas mediave të huaja, dispeçerët e urgjencës morën një telefonatë në 911 vetëm pas orës 11:30 të së hënës nga njerëz që po peshkonin në një liqe, sipas një njoftimi nga Zyra e Sherifit të Qarkut Beltrami.
Telefonuesit deklaruan se një copë e madhe akulli u shkëput nga “vija kryesore bregdetare”, duke bllokuar rreth 200 individë, thanë autoritetet.
Pasi erdhën reaguesit e parë, ata vlerësuan se peshkatarët kishin mbetur larg deri në 30 metra në ujë të hapur pas thyerjes së akullit, sipas zyrës së sherifit.
Kështu, disa agjenci shpëtimi dhe automjete u dërguan në vendngjarje dhe vlerësuan shtrirjen e ujit të hapur me operacione të ndryshme, përfshirë edhe dronët.
Pas kësaj, autoritetet gjetën një “pikë të ngushtë të ndarjes” për të vendosur një urë të përkohshme për të evakuuar peshkatarët e bllokuar.
Autoritetet paralajmëruan ata që planifikojnë peshkim në akull të jenë të kujdesshëm dhe vigjilentë.
