Ukraina ka vrarë 200 parashutistë rusë në një sulm me raketa në bazën e tyre në rajonin e okupuar të Luhanskut, ka pretenduar një udhëheqës lokal, shkruan Daily Mail.
Guvernatori i Luhanskut, Serhiy Gaidai, pretendoi se ushtarët rusë u vranë në sulm ukrainas në selinë e tyre në qytetin Kadiivka të Ukrainës lindore mbrëmë.
Fotografitë e shpërndara nga Gaidai duket të shfaqin mbetjet e shkatërruara të një hoteli që përdorej si bazë nga ushtarët rusë në Kadiivka.
“Forcat e armatosura të Ukrainës goditën caqet në Kadiivan e okupuar dhe rreth 200 parashutistë rusë u vranë”, shkroi ai në Twitter.
Forcat ruse kontrollojnë territorin përgjatë gjirit ukrainas të Detit të Zi dhe Detit Azov, teksa konflikti është kthyer në një luftë të shkatërrimit në rajonin e Donbasit, i cili përbëhet nga provincat e Donetskut dhe Luhanskut.
