Xhiroja e katërt në Ligën Unike nis sot me dy përballje interesante.
Dueli i parë do të zhvillohet ndërmjet Rahovecit dhe Golden Eagle Yllit, nga ora 17:00 në palestrën “Mizahir Isma”.
“Vreshtarët” nuk e kanë nisur mirë edicionin, duke regjistruar tri humbje në tri ndeshje, ndërsa kampionët e Ligës Unike kanë dy fitore dhe një humbje.
Kujtojmë se rezultati i kësaj ndeshje, regjistrohet edhe në Superligën e Kosovës.
Këtë të shtunë zhvillohet edhe sfida interesante mes dy skuadrave shqiptare, Kamza Basket dhe Teutës, nga ora 19:00.
Të dy skuadrat kanë grumbulluar nga pesë pikë, andaj pritet një përballje rivalizuese.
