Departamenti amerikan i Shtetit ka thënë se Izraeli dhe gjashtë vende të tjera që marrin ndihmë ushtarake amerikane, Kolumbia, Iraku, Kenia, Nigeria, Somalia dhe Ukraina, kishin dorëzuar garanci me shkrim deri në afatin e së dielës se janë në përputhje me ligjet për të drejtat e njeriut.
“Në secilin rast, këto garanci janë bërë nga një zyrtar i besueshëm i nivelit të lartë në qeverinë partnere, i cili ka aftësinë dhe autoritetin për të marrë vendime”, ka thënë zëdhënësi i Departamentit të Shtetit, Matthew Miller.
“Ne nuk kemi gjetur se ata janë në kundërshtim me të drejtën ndërkombëtare humanitare, qoftë kur bëhet fjalë për zhvillimin e luftës apo kur bëhet fjalë për ofrimin e ndihmës humanitare”, ka shtuar ai.
