Ka shpresa se një armëpushim mund të arrihet për t’i dhënë fund luftimeve pesëditore midis Izraelit dhe militantëve të Xhihadit Islamik Palestinez (PIJ) në Gaza.
Të paktën 33 palestinezë janë vrarë që nga e marta në Gaza, ku Izraeli thotë se ka goditur objektivat e PIJ, shkruan BBC.
Sulmi me raketa palestineze në Izrael ka vrarë dy persona, një izraelit dhe një palestinez që punonte në vend.
Përpjekjet për armëpushim u drejtuan nga Egjipti, i cili u bëri thirrje të dyja palëve t’i përmbahen marrëveshjes së armëpushimit.
Uashingtoni përshëndeti shpalljen e armëpushimit dhe tha se zyrtarët e ShBA-së kishin punuar me partnerët rajonalë për të arritur rezolutën.
