Kryetari i Komunës, Bashkim Ramosaj po qëndron në kryeqytetin e shtetit të Neë York, në Albany. Kryetari Ramosaj mori pjesë në manifestimin e organizuar nga Asambleja dhe Senati i Neë York-ut, me rastin e 16-jetorit të shpalljes së Pavarësisë së Kosovës.
Në njoftim thuhet se Shtetet e Bashkuara të Amerikës prinë për çlirimin e Kosovës, prinë në njohjen e pavarësisë së Republikës së Kosovës. Të drejtën për të jetuar të lirë e kemi arritur falë ndihmës së Ushtrisë Amerikane dhe NATO-s.
“Populli ynë do të jetë përjetë mirënjohës për kontributin e madh që ushtria dhe populli amerikan kanë dhënë dhe vazhdojnë të japin për vendin tone”, thuhet në komunikatë.
Kryetari Ramosaj në emër të qytetarëve të Deçanit dhe popullit të Kosovës ka shpreh mirënjohje për Senatoren e Shtetit, znj. Jessica Scarcella-Spanton dhe anëtarin e Asamblesë së Shtetit, z. Charles Fall, për angazhimin dhe kontributin në fuqizimin e marrëdhënieve mes dy popujve tanë.
Ai po ashtu shprehi mirënjohje për Shoqatën Shqiptare Amerikane për punën e tyre vullnetare, ku përmes aktiviteteve të ndryshme promovojnë miqësinë tonë të shenjtë dhe vlerat e përbashkëta që i kemi me miqtë tanë, ShBA-të.
