Një ndjekje emocionuese motoçikletash mes rrugëve të ngushta të një qyteze braziliane ka lënë shikuesit të shtangur, deri në fundin e saj dramatik.
Megjithse nuk kemi të bëjmë me një film të Hollywood pamjet e publikuara së fundmi nga autoritetet janë të mbushura me ‘aksion’ dhe aftësi të rralla nga të dyja palët e përfshira.
Ndjekja e pabesueshme ndodhi në rrugët e Osasco, pranë Sao Paulo në 2021, dhe u regjistrua nga kamera trupore e oficerit të policisë në motoçikletë.
I ndjekuri drejtonte një motor 300 kubik Honda XRE me një pasagjere në sediljen e pasme, teksa përpiqej t’i largohej oficerit që e ndiqte nga afër.
Video gjashtë minutëshe tregon sesi ata i shmangen nga afër veturave, një tjetër makine policie e madje dhe një palë shkallëve në rrugë, në ndjekjen me kthesa të forta dhe kërcime mbi gungat e ndalimit të shpejtësisë.
Megjithë rrezikun, polici tregon që nuk i ndahet dyshes në motor, aq sa dhe të larguarit habiteshin kur kthenin kohën herë pas here dhe e shihnin policin përsëri prapa tyre.
Ndjekja përfundon me të larguarit që rrëzohet në një rrugë këmbësorësh, ku më pas heq kokoren e tij dhe dorëzohet.
Pamjet kanë marrë miliona shikime në rrjet dhe shikuesit sugjeronin se duhet të merret si shembull për filmat e aksionit.
“Të dy drejtues të pabesueshëm, por besoj se polici kishte një motoçikletë më të fuqishme”, shkruante një prej përdoruesve.
“Kjo i bën ndjekjet e Hollywood apo të video ‘game’ të duken si një shaka!’, shkruante një tjetër.
