Lideri i Vetëvendosjes, Albin Kurti në një postim të tij në Facebook ka kujtuar 19 vjetorin e vrasjes së 77 qytetarëve të Vushtrrisë. Kurti bashkë me nënkryetarin e Komunës Besim Muzaqi me drejtorë e asamblistë komunalë dhe me aktivistë të Lëvizjes bënë homazhe te varrezat ku ndodheshin edhe familjarët.
Postimi i plotë:
Në 19 vjetorin e vrasjes së 77 qytetarëve të Vushtrrisë, dje në këtë Komunë, kryetari i Lëvizjes VETËVENDOSJE!, Albin Kurti, së bashku me nënkryetarin e Komunës Besim Muzaqi me drejtorë e asamblistë komunal dhe me aktivistë të Lëvizjes bënë homazhe te varrezat ku ndodheshin edhe familjarët që i përkujtonin më të dashurit e tyre.
Ne u kemi shumë borxh dëshmorëve e martirëve të cilët janë të vetmit që nuk i kanë borxh atdheut.