Drejtori i Policisë së Kosovës për rajonin e Mitrovicës, Nehat Thaçi ka hedhur sot poshtë akuzat në Prokurorinë për krim të organizuar në Beograd se ishte përgjegjës për dëbimin e një familjeje serbe.
Ai akuzohej nga prokuroria serbe për dëbimin e familjes Milivojeviq më 1 korrik të vitit 1999 në një fshat afër Lipjanit.
“Në atë kohë, 15 ditë nuk kam qenë atje. Me gruan time unë kam qenë në muaj të mjaltit në Fushë Kosovë. Në një gjë të tillë nuk kam marrë pjesë”, ka theksuar Thaçi.
Ai ka shtuar se nuk e njeh asnjë anëtar të familjes Milivojeviq
Avokati i tij në Beograd, Sead Spahoviq ka thënë se Thaçi është marrë në pyetje 15 ditë pas arrestimit të tij, dhe kjo ishte e papranueshme.
