Një ngjarje e rëndë ka ndodhur në Gjakovë, ku një 4 vjeçare ndërroi jetë në spital pasi ishte në gjendje të rëndë shëndetësore.
Mediat e Kosovës raportojnë se fillimisht familjes të së miturës i ishte thënë se kishte lëndime në trup që dyshohet se i kishte marrë nga rrahja prej një të mituri, por pas vdekjes së saj në QKUK, shkak i vdekjes i ishte përmendur një tjetër gjë, që sipas tyre e mitura ka pasur një infeksion.
Gazetari Pleurat Salihu ishte këtë të enjte i ftuar në “Good Morning Albanians”, ku tha se situata në spitalet e Kosovës është kaotike.
Ai tha se vajza e mitur së bashku me nënën e saj kanë qëndruar për 4 orë në pritje të doktorit pasi ky i fundit ka qenë në gjumë.
Sipas gazetarit, të gjithë kanë qenë në gjumë dhe nuk i kanë kushtuar rëndësi rastit të 4-vjeçares, e cila humbi jetën.
“E kanë lënë nënën me fëmijë nga ora 4 e mëngjesit deri në orën 8 të mëngjesit. Doktori ka qenë në gjumë, kur u zgjua nëna e të ndierës i ka thëne, vajzën e kam shumë keq. Asaj i kanë thënë të shkoj te dhoma e do i dërgojnë doktoreshën. Për katër orë nuk ia kanë sjellë. Kur ka shkuar doktori i ka thënë pse po bërtet vajza. Sipas nenës të gjithë kanë qenë në gjumë askush nuk është marrë me pacienten”,-tha gazetari.
