Ministria e Financave, Punës dhe Transfereve njofton se më 19 shtator 2023 do të mbahet ankandi i tetë për vitin 2023.
Sipas njoftimit të kësaj ministrie, në këtë ankand, do të emetohen Obligacione me maturitet 5 vjeçar në shumën prej 25 milionë euro.
“Investimi në Obligacione është investim i sigurt, i garantuar me Ligjin për Borxhin Shtetëror dhe Garancitë Shtetërore, ku interesi i përcaktuar nga tregu ju garantohet për të gjithë kohëzgjatjen (5 vite) dhe është tërësisht i liruar nga tatimi”, thuhet në komunikatë.
Për detaje rreth pjesëmarrjes në ankande për blerjen e letrave me vlerë, MFPT kërkon të kontaktohet ndonjëra nga Bankat Komerciale që operojnë në Kosovë.
