Në emisionin “Raport”, në 24 vjetorin e themelimit të Policisë së Kosovës, sjellim rrëfimin e familjes së policit të rënë në detyrë me datë 28 prill 2018, Armend Trena, i cili bashkë me kolegun Malsor Dashi kishin rënë në lumin “Lepenc”.
Vëllai i viktimës, Besimi ka rrëfyer momentin kur ka marrë lajmin për rënien në detyrë të vëllait të tij duke thënë që janë krenar me kontributin e tij dhënë policisë së Kosovës.
“Armendi ka qenë një djalë shumë inteligjent, punëtor, fjalëpak si dhe ka qenë shumë profesionist, shumë i përgjegjshëm dhe ka dhënë kontribut të madh në realizimin e objektivave të policisë së Kosovës”, ka thënë Trena.
Ai tutje ka thënë se ishte shumë e rëndë ndarja nga ai.
“Ka qenë nata më e tmershme dhe nga ajo natë ka ndryshuar gjithçka në jetën tonë”, ka vazhduar tutje rrëfimin vëllau i policit të rënë në detyrë.
Ai ka treguar që ishte në qytetin e Ferizajt kur një zyrtar policor e njofton që Armendi ishte lënduar dhe në momentin që ka shkuar në vendin e ngjarjes e ka kuptuar se çfarë kishte ndodhur.
Trena tutje ka thënë se ai tashmë ka një djalë dhe i kanë trashëguar emrin e vëllaut të rënë.