Analisti shqiptar, Plator Nesturi, ka komentuar përplasjen Rama-Kurti lidhur me situatën në Veri të Kosovës.
Sipas Nesturit, është e dëmshme nëse krijohet një lloj retorike sikur Kurti është mbrojtësi dhe ndërkombëtarët ia kanë me hile Kosovës dhe akoma më e dëmshme retorika e konfliktit më Shqipërinë.
“Nuk mund t’ia kenë me hile ata që e kanë krijuar Kosovës dhe e kanë bombarduar Serbinë. Kjo mënyrë si po operon Kurti është shumë e dëmshme. Pse duhet krijuar një polemikë kaq e madhe me kryeministrin Rama për të krijuar një konflikt të dytë, një klimë e panevojshme”.
“E ndoqa me shumë kujdes, nuk mendoj se Rama ka përdorur gjuhë të ashpër ndaj Kurtit, madje kam parë të kundërtën. Kryeministri shqiptar arriti të pranojë pa dëshirën e tij të mos realizonte një takim me Kurtin. Është kërkuar takim para se të bëhej mbledhja mes dy qeverive”, tha Nesturi.
