Ministri i Mbrojtjes, Armend Mehaj, ka reaguar lidhur me vërshimet që po ndodhin nëpër qytete në vend.
Ai nëpërmjet një postimi në Facebook, ka thënë se autoritetet zyrtare janë duke e monitoruar pandërprerë situatën në terren.
Mehaj tutje ka thënë se FSK-ja është e gatshme me të gjitha kapacitetet të realizoj detyrën ligjore të mbështetjes ushtarake të autoriteteve civile dhe qytetarëve tanë pa dallim
“FSK si çdoherë, në secilën situatë emergjente, është e gatshme plotësisht, me të gjitha kapacitetet e saj në dispozicion, që të realizoj detyrën ligjore të mbështetjes ushtarake të autoriteteve civile dhe qytetarëve tanë pa dallim”,përfundon postimi i tij.
