Profesori i Shkencave të Sigurisë, Avni Islami vlerëson se lëvizjet e xhandarmerisë serbe përgjatë kufirit Kosovë-Serbi në veriun e Mitrovicës nuk paraqesin mesazh të mirë për shtetin serb.
Sipas tij, kjo po i trimëron serbër lokal për veprime të kundërligjshme.
“Lëvizjet e Xhandarmërisë, përgjatë kufirit Kosovë - Serbi në Veriun e Mitrovicës është mesazh jo i mirë nga shteti serb. Kjo reflekton edhe te serbët lokal dhe në një mënyrë po i trimëron ata që të ndërmarrin veprime anti ligjore dhe po rrezikojnë rendin dhe qetësinë publike”, u shpreh Islami.
Ai potencoi se Vuçiq nuk dallon nga Millosheviqi, pasi po i përdorë mediet për nxitjen e trazirave dhe po e provokon situatën në veriun e Kosovës.
“Deri më tani Institucionet e Sigurisë të udhëhequra nga Qeveria e Kosovës janë duke e menaxhuar situatën sipas planit!”, përfundoi Islami.
