Analisti Rron Gjinovci ka diskutuar me kryetarin e AAK’së, Ramush Haradinaj lidhur me kandidimin për president.
Haradinaj e ka bërë të ditur ambicien e tij për këtë pozitë.
“Kushtetuta e jonë e përcakton rolin e presidenti si pozitë unifikuese. Nuk mund të ketë pozitën dikush që vjen nga partitë. Ju keni thënë që ja kthenim votat secilës parti që ju jep votat juve”.
Ndërkohë Haradinaj i është kundërpërgjigjur kësaj deklarate të tij.
“Dëgjoni, vendi po përballet me një krizë. Pozita e presidentit vetë është pozitë politike dhe buron nga zhvillimet politike në vend. Në momentin që bëhem president më nuk merrem me AAK. Gjithsesi marrëveshjet politike kanë një mirëkuptim të gjerë”, tha ai.
