Një 46-vjeçar është arrestuar nga policia e Vlorës pasi akuzohet për vrasjen e bashkëshortes së tij. Ngjarje e ndodhur më datë 4 qershor të vitit 2009, në fshatin Armen.
Maksim Hodaj është dënuar me 18 vite burg.
“Kapet një shtetas i shpallur në kërkim për Vrasje, i dënuar me 18 vite burgim.
Strukturat Policore të Sektorit për Hetimin e Krimeve të Rënda në DVP Vlorë, në bashkëpunim me shërbimet Policore të Komisariatit Vlorë në vijim të punës për kapjen, ndalimin dhe vënien para drejtësisë autorët e veprave penale, kryesisht shtetasit e shpallur në kërkim për krime të rënda, kanë bërë të mundur kapjen e shtetasit:
M. H, 46 vjeç, banues në fshatin Armen, Vlorë”, njofton policia e Vlorës.