Dy persona janë vënë në pranga për shpërndarje kanabis në Tiranë.
Në kuadër të operacionit “Vora 2”, u zbulua se të dy bashkëpunonin me njëri-tjetrin, siguronin kanabis dhe më pas e shpërndanin në Kamëz dhe Vorë.
Në parkingun e një kompleksi në Vorë, dy shtetasve E. A. (M)., 37 vjeç dhe A. K., 22 vjeç, të dy banues në Tiranë, gjatë kontrollit fizik, iu gjetën dhe sekuestruan 1 kg e 500 gramë lëndë të dyshuar narkotike të llojit kanabis.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
