Zjarret në Athinë, Veliaj: Solidarizohemi me miqtë tanë, Këshilli Bashkiak do kontribuojë me ndihma - Bota Sot
Zjarret në Athinë, Veliaj: Solidarizohemi me miqtë tanë, Këshilli Bashkiak do kontribuojë me ndihma

Tirana

E shtunë, 22 shtator 2018

Zjarret në Athinë, Veliaj: Solidarizohemi me miqtë tanë, Këshilli Bashkiak do kontribuojë me ndihma

Më: 24 korrik 2018 Në ora: 14:22
Zjarret në Athinë

Kryetari i Bashkisë së Tiranës, Erion Veliaj ka shprehur solidaritetin e qytetarëve të Tiranës lidhur me situatën emergjente të krijuar në Athinë, si pasojë e zjarreve të mëdha.

Përmes një postimi në Twitter, kryebashkiaku Veliaj shprehet i trishtuar për jetët e humbura në këtë betejë kundër flakëve, ndërsa thekson se Këshilli Bashkiak i Tiranës do të ndihmojë për t’i ardhur në ndihmë Athinës, në këtë situatë të vështirë ku ndodhet kryeqyteti grek.

Ai ka komunikuar edhe me homologun e tij, Kaminis, te cilit i shprehu gatishmërinë për të ndihmuar në kalimin e situatës.

“Tirana solidarizohet me miqtë tanë në Atikë/Athinë, qe po luftojnë me ferrin e vërtetë të zjarreve! Jemi të trishtuar nga humbja e jetëve dhe lutemi që zjarret të vihen nën kontroll sa me shpejt te jete e mundur. Këshilli ynë i qytetit do të japë një kontribut nëpërmjet Ambasades Greke për të ndihmuar qytetin tonë motër”, shkruan Veliaj.

E menjëhershme ka qenë edhe mirënjohja nga ana e Kryetarit të Bashkisë së Athinës, Yiorgos Kaminis. Kryebashkiaku i Athinës ka falënderuar homologun e tij shqiptar për solidaritetin e treguar dhe thekson se është rënë dakord për koordinimin e punës për ndihmën e premtuar nga Tirana në zonat e prekura.

“Kryetari i Bashkisë së Tiranës, Erion Veliaj, dhe ai i Shkupit, Petre Shilegov, më kontaktuan dhe me shprehen mbështetjen e plotë për situatën që po kalon Athina dhe kemi rënë dakord për koordinimin e punës për të dërguar ndihmë në zonat e prekura”, shkruan kryebashkiaku grek.

 

Sot mund të lexoni Shfletoni kopertinat
Sondazh
test