Në vigjilje të Krishtlindjes në Sheshin “Nënë Tereza”, Bashkia e Tiranës ka organizuar një koncert, ku performuan artistë të njohur shqiptarë.
Kryetari i Bashkisë së Tiranës, Erion Veliaj, në fjalën e tij përshëndetëse, uroi besimtarët e krishterë me rastin e Krishtlindjeve.
“Pa dyshim të gjithë keni marrë dhurata, dhe dhurata ime është për t’i shërbyer qytetit më të bukur në botë”, deklaroi Veliaj.
Në skenë u ngjitën artistë të njohur si Kastriot Tusha, Marjana Leka, Armando Kllogjeri, formacioni Fatos Qerimaj, Banda e Tiranës, kori i fëmijëve apo orkestra dhe kori i Liceut Artistik.
