Një ngjarje e pazakontë ka ndodhur mbrëmjen e djeshme në Tiranë, ku dy persona janë konfliktuar dhe kanë goditur me grushte një punonjës policie.
Ngjarja ka ndodhur rreth orës 23:00, në rrugën “Foto Xhavella”, si pasojë e një konflikti të çastit. Dy të rinjtë E. T., 34 vjeç, banues në Tiranë dhe R. N., 33 vjeç, banues në Kamëz, kanë goditur një polici jashtë detyrës, i kanë marrë armën dhe më pas janë larguar.
34-vjeçari është vetëdorëzuar më pas në Polici, ku ka dorëzuar dhe armën e punonjësit të Policisë.
Ai është arrestuar, ndërsa 33-vjeçari po ndiqet penalisht.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
