31 këshilltarët komunal për Komunën e Tetovës të cilët u votuan në zgjedhjet e 17 tetorit, sot i morën certifikatat e tyre nga Këshilli Komunal Zgjedhor i Tetovës. Deri më tani, nuk është arritur marrëveshje, të paktën në mënyrë zyrtare se kush do të udhëheq me Këshillin Komunal të Tetovës.
Këto janë këshilltarët e Tetovës të cilët u zgjodhën në zgjedhjet e tetorit:
Bashkimi Demokratik për Integrim, 10 këshilltarë:
Blerim Osmani
Liridon Disha
Naile Durmishi
Veton Murati
Emin Velija
Rushadije R. Halili
Besim Memeti
Fitim Mustafi
Shpresa Qazimi
Mimoza Zulbeari
Lëvizja Besa, 8 këshilltarë:
Besar Durmishi
Adnan Beadin
Yllzana Zeqiri
Rafiz Mejdia
Basri Mehmedalia
Shejnur Rizvani
Albion Alili
Xhejlan Uzairi Abdiji
VMRO-DPMNE, 4 këshilltarë:
Angel Karapetrov
Ratko Davidovski
Anita Boshkoska Jovanovska
Stanislav Bojçevski
Aleanca për Shqiptarët, 3 këshilltarë:
Muzafer Etemi
Faton Selami
Nurije Bajrami
Më Mirë për Tetovën, 2 këshilltarë:
Hamdi Sulemani
Elmedina Abulla
Lidhja Social Demokrate e Maqedonisë, 2 këshilltarë:
Ilija Dimitrieski
Marija Kostovska
Partia Demokraditke Shqiptare, 2 këshilltarë:
Pajtim Thaçi
Visar Palloshi
Pas dhënies së certifikatave nga ana e Komisionit Komunal Zgjedhor, ky këshill komunal mund që të thërret mbledhjen e parë ku do të vazhdojnë me procedurat tjera.
“Ne si komision komunal sot edhe zyrtarisht do ti dorëzojmë certifikatat deri te arkiva e Komunës së Tetovës që ato ti procedojnë të njëjtat dhe të thirret seanca e parë e këshillit.” tha Nazmi Dauti, sekretar i Këshillit Komunal Zgjedhor të Tetovës.
Ende nuk dihet kush do të ketë shumicën në Këshill
Për ta pasur shumicën prej 16 këshilltarëve, kryetari i sapo-zgjedhur i Tetovës, Bilall Kasami duhet të bëjë koalicion me 4 subjekte tjera pjesëmarrëse në këshill. Ai tha se kanë siguruar shumicën, por nuk dha më shumë detaje.
Blerim Osmani, bartës i listës nga BDI tha se për momentin nga ana e partisë së tyre nuk ka vendim konkret për bisedime dhe për ndonjë marrëveshje konkrete.
Hamdi Sulemani, bartës i Listës “Më Mirë për Tetovën” tha se nuk ka negociata për formimin e shumicës.
Ilija Dimitrieski, bartës i listës nga LSDM tha se në politikë të gjitha opsionet janë të hapura.
Ndryshe, gjatë mandatit të Teuta Arifit, shumica në këshillin komunal të Tetovës është përberë nga koalicioni BDI, PDSH dhe LSDM. Ndërsa VMRO-DPMNE, ASH dhe Besa kanë qenë opozitë. LSDM ka pasur postin e sekretarit komunal, post të cilin Kasami nuk e ka mohuar se mund të ia ofrojë VMRO-DPMNE-së.
