Pas shumë të përfolurit Freedom 251, telefonit më të lirë inteligjent që kushtonte vetëm 3 dollarë, një tjetër telefon inteligjent indian Android i quajtur Docoss X1 po godet lajmet me çmimin e tij të ulët prej 13 dollarësh.
Njësoj si paraardhësi i tij Freedom 251, Docoss X1 ka ngritur dyshimet se mund të jetë një mashtrim nga një kompani e panjohur për të bërë disa para të shpejta. Ashtu si kompania e Freedom 251, Ringing Bells, Docoss X1 po prodhohet nga një kompani relativisht e re dhe e panjohur nga Jaipur.
Konsumatorët mund të porosisin telefonin vetëm në faqen e internetit të kompanisë ose përmes një SMS-je me kushtin që pagesa të bëhet me para në dorë në dorëzim. Shpërndarja e telefonave fillon më 2 Maj sipas kompanisë.
Përveç mbështetjes 3G, telefoni inteligjent me dy karta SIM ka një ekran IPS 4-inç, kamerë të pasme 2-megapixel, kamerë të përparme VGA dhe një bateri 1,300 mAh. Funksionon me Android KitKat 4.4 dhe fuqizohet nga një procesor me dy përthama Cortex-A7 1.3 GHz. Ka gjithashtu 1 GB RAM dhe 4GB hapësirë të brendshme, e cila mund të zgjerohet deri në 32 GB me kartë microSD
